Pulitzer Prize ရရှိဖူးတဲ့ ငိုကြွေးနေတဲ့ ကလေးငယ် ဓာတ်ပုံကို သိကြမှာပါ။ ယင်း ဓာတ်ပုံကို အမေရိကန်မှ ကမ္ဘာကျော် ဓာတ်ပုံဆရာ Nick UT မှ ရိုက်ကူးယူခဲ့တာ ဖြစ်ပါတယ်။ ယင်းဓာတ်ပုံ ရိုက်ကူးဖို့ ဂျာမနီနိုင်ငံထုတ် Leica ကင်မရာကို အသုံးပြုထားတာပါ။
၁၉၇၂ ခုနှစ်က ဖြစ်ပွားခဲ့တဲ့ ဗီယက်နမ် စစ်ပွဲမှာ အမေရိကန်ဦးဆောင်တဲ့ စစ်တပ်ဟာ Trang Bang ဒေသကို စစ်ချီတိုက်ခိုက်ခဲ့ပါတယ်။ ဒေသခံတွေကြားမှာ သူပုန်များ ပါဝင်နေတာကြောင့် လေယာဉ်ဖြင့် ဗုံးကြဲ တိုက်ခိုက်ရာ ရွာမှာနေထိုင်တဲ့ ကလေးသူငယ်နဲ့ အရပ်သားများကို စစ်ဒဏ်ခံရစေခဲ့ပါတယ်။ ကလေးငယ်လေးဟာဆိုရင် ရေချိုးနေစဉ် ဗုံးကျလာတာကြောင့် ကြောက်လန့်တကြား လမ်းမပေါ် ထွက်ပြေးလာတာ ဖြစ်ပါတယ်။ ယင်း ကလေးမလေးဟာဆိုရင် ယနေ့မှာ အသက် ၅၀ ကျော်ပြီဖြစ်တဲ့ Phan Thi Kim Phuc အမည်ရ အမျိုးသမီး ဖြစ်နေပါပြီ။
သူမဟာ ယနေ့မှာ ကနေဒါမှာ နေထိုင်တဲ့ ကနေဒါ နိုင်ငံသူ တစ်ဦး ဖြစ်ပြီး သူမ အမည်နဲ့ ဖောင်ဒေးရှင်း ပြုလုပ်ကာ စစ်ဓာတ်ခံ လူများကို ကယ်တင် ကူညီတဲ့ လှူဒါန်းမှုများ ပြုလုပ်လျက် ရှိပါတယ်။
No comments:
Post a Comment